5 uppáhalds varalitir


Eftirfarandi eru fimm af mínum uppáhalds varalitum þessa stundina, það var töluvert krefjandi að velja bara fimm... en ég er bara svo dugleg og frábær að mér tókst það (heh?). Þeir eru ekki í vinsældarröð, bara allir frábærir á sinn hátt. 

Anastasia Beverly Hills Liquid Lipstick í Vintage >> Fljótandi möttu varalitirnir frá ABH hafi fengið misjafna umfjöllun á netinu en þessi er allavega minn uppáhalds fljótandi varalitur og formúlan sú besta sem ég prófað hingað til (ég er alls ekki sjóuð í fljótandi varalitum, en af þeim fjórum formúlum sem ég hef prófað er þessi uppáhalds, ekkert framúrskarandi, en betri en hinar). Liturinn Vintage er líka bara liturinn sem ég hef mest gaman af í öllu varalitasafninu mínu- eitthvað sem ég elska við þennan bjarta fjólubláa lit á vörunum mínum. (Fæst m.a. á anastasiabeverlyhills.com)

 Milani Matte Orchid >> Þessi matti "hot pink" varalitur var ást við fyrstu prufu. Formúlan er ótrúlega notaleg á vörunum miðað við aðra matta varaliti sem ég hef prófað og þetta er fyrsti bleiki varaliturinn sem ég set á mig og þurrka ekki samstundis af mér. Milani vörurnar koma ótrúlega á óvart miðað við verð og þessi litur var tilvalin í sumar, þegar ég vildi eitthvað aðeins meira statement lúkk en ég er vön. Hef notað hann sérlega mikið vegna þess hvað hann endist vel á vörunum. (Fæst m.a. á haustfjord.is)

Topshop Matte Lips í Rio Rio >> Ég er öll í möttu varalitunum þessa stundina! Rio Rio er fyrsti varaliturinn sem ég prófa frá Topshop af einskærri forvitni og hann varð strax mikið uppáhald, sem er sérlega athyglisvert í ljósi þess að ég fíla yfirleitt ekki appelsínurauða liti á mér- en þessi vandist óvenju vel. Endingin á þessum ódýra varalit er algjörlega framúrskarandi. Ég komst nánast af 12 klst með tilheyrandi máltíðum og drykkjum án þess að þurfa að lappa nema rétt örlítið upp á hann eftir um 9 klst. Það er ótrúlegt! Léttur og þægilegur á vörunum en helst samt á sínum stað. (Fæst m.a. á feelunique.com)

Gerard Cosmetics Lipstick í Buttercup >> Þessi fallegi nude litur hefur verið minn go-to varalitur næstum síðan ég keypti hann. Ég nota yfirleitt varablýant til að móta varirnar og skelli svo smá af þessum og þá virka þær einhvernveginn stærri og fallegri en ef ég er ekki með neitt á vörunum. Ótrúlega basic og þægileg vara til að eiga í safninu. Svo er hægt að byggja hann upp í vel ljósan nude ef maður vill. Endingin er ekkert einhver saga til næsta bæjar, bara venjuleg, en hann er mýkri og meira creamy á vörunum en hinir Gerard litirnir sem ég á. (Fæst m.a. á gerardcosmetics.com)

M.A.C. Amplified Lipstick í Chatterbox >> Þessi litur er fallegur ljósbleikur með glansáferð. Ég nota hann aðallega yfir aðra liti, t.d. nude liti, ef ég vil poppa þá aðeins upp og hafa þá bleikari fyrir dagana sem ég vill ekki ýktar varir en samt aðeins meira oompfh en bara nude. Svo er hægt að byggja hann upp og hafa hann virkilega bleikan- sem er líka skemmtilegt. Endingin er ósköp venjuleg en formúlan er creamy og þægileg á vörunum sem er bónus (fyrirhafnarlítið og þægilegt). (Fæst m.a. í MAC Kringlunni)

Hafið þið prufað einhverja af þessum varalitum? Hvernig fíluðuð þið þá? Hverjir eru ykkar uppáhalds varalitir?



Engin ummæli :

Skrifa ummæli